ریڑھ کی ہڈی میں سوچنے کی صلاحیت موجودہے ماہرین کی نئی دریافت New discovery about the spinal cord

ریڑھ کی ہڈی بھی چند معلومات کو دماغ کی طرح  پروسیس کرنے میں مدد دیتی ہے

میڈیکل ماہرین نے چند ماہ قبل حرام مغز میں چھپے دماغ کے ایک نئے گوشے کی دریافت کا اعلان کیا تھا اور اب خبر یہ ہے کہ ریڑھ کی ہڈی عین دماغ کی طرح بعض معلومات کی پروسیسنگ میں مدد دیتی ہے ۔

discovery about the spinal cord

ٹورنٹو(نیٹ نیوز) ہم یہ سوچتے آئے ہیں کہ سوچنے سمجھنے کا سارا کام صرف ہمارا دماغ ہی کرتا ہے لیکن ریڑھ کی ہڈی میں بھی کئی اعصاب پائے جاتے ہیں اور وہ سادہ حرکات کی انجام دہی اور حرکات و سکنات میں اہم کردار ادا کرتے ہیں۔ کینیڈا کی ویسٹرن یونیورسٹی کے ماہرین نے کہا ہے کہ ریڑھ کی ہڈی میں حرام مغز بعض پیچیدہ عمل انجام دیتے ہیں جن میں ہاتھ کی پوزیشن کا ادراک بھی شامل ہے ۔اس ضمن میں پی ایچ ڈی ماہر اینڈریو پروزنسکی کہتے ہیں کہ حرام مغز کی سطح پر کم ازکم ایک پیچیدہ عمل کو دیکھ کر احساس ہوتا ہے کہ ریڑھ کی ہڈی اور اس سے متعلقہ اعضا ہماری نگاہوں سے اوجھل تھے ، اسے سمجھ کر ناصرف دماغ کو مزید جاننے میں مدد ملے گی بلکہ پیچیدہ امراض کے علاج کی راہ بھی ہموار ہوگی۔

جانیے دنیا کے سب سے چھوٹےقابل استعمال موبائل فون کے بارے میں

امریکا کی ایک کمپنی نے دعویٰ کیا ہے کہ اس نے دنیا کاسب سے چھوٹا قابل استعمال موبائل فون تیار کیا ہے کمپنی نے اس موبائل کا نام زین کوٹائینی ٹی ون رکھا ہے

Smallest Cell Phone

کمپنی نے یہ بھی کہا ہے کہ یہ موبائل فون آج کے جدید سمارٹ فونز کا متبادل تو نہیں ہے البتہ اس کو ایمرجنسی میں استعمال کیا جاسکتا ہےمثال کے طور پر آپ رات کو گھر سے باہر جارہے ہیں لیکن آپ اپنا قیمتی سمارٹ فون ساتھ لے کر نہیں جانا چاہتے تو یہ چھوٹا فون آپ کے لئے بہتر انتخاب ہو سکتا ہے  

Smallest Cell Phone

اس چھوٹے سے موبائل کا وزن صرف 13 گرام ہے اور اس کی لمبائی ایک جوان انسان کے انگوٹھے کے برابر ہے یہاں یہ بات بھی انتہائی دلچسپ ہے کہ جب تجرباتی طور پر اتنا چھوٹا موبائل فون لوگوں کے سامنے رکھا گیا تو انہوں نے خوشگوار حیرت کا اظہار کیااور اتنے چھوٹے موبائل سے فون کرنا ان کے لئے دلچسپ تجربہ تھا اس پر لگی سکرین کی چوڑائی صرف آدھا انچ ہے اور سکرین ریزولوشن64 ضرب 32 پکسل ہے

اس میں 200 ایم اے ایچ طاقت کی بیٹری لگی ہوئی ہے جو تین دن تک چل سکتی ہے اور 180 منٹ بات کرواسکتی ہے اور یہ بیٹری مائیکرو یوایس بی پورٹ سے چارج ہوتی ہے  فون میں بلیوٹتھ کا آپشن بھی رکھا گیا ہے اور اس میں 300 تک نمبر اور 50 میسجز سیو کئے جا سکتے ہیں

Smallest Cell Phone

البتہ ماہرین کا کا کہنا ہے کہ یہ فون اتنے چھوٹے سائز کا ہے کہ اس سے میسج ٹائپ کرنا کافی مشکل ہے اور اس میں ایک اور خرابی یہ ہے کہ یہ صرف ٹوجی نیٹ ورک پر چلتا ہے اور ٹو جی نیٹ ورک وقت کے ساتھ ساتھ کئی ممالک میں ختم ہوتا جارہا ہے

اس فون کو تجارتی پیمانے پر تیارکرنےکےلیے انٹرنیٹ پر کراؤڈ فنڈنگ کی جارہی ہے۔ کمپنی کو 33 ہزار ڈالر درکار تھے جو اب بڑھ کر 96 ہزار ڈالر ہوچکے ہیں۔ امیدہے کہ مئی 2018 تک یہ زینکو ٹائنی ٹی ون فون مارکیٹ میں  آجائے گا اور اس  کے ایک یونٹ کی قیمت 47 ڈالر ز کےقریب ہوگی

انسانی خصوصیات رکھنے والا حیرت انگیز جاپانی روبوٹ Humanoid Robots | Information About futuer reborts

انسانوں کی طرح ورزش کرنےاور پسینہ بہانےوالے جاپانی روبوٹس

جاپان کوروبورٹس  کی سرزمین کہا جاتا ہے اور اب جاپان نے ایسے روبوٹس بھی تیار کر لیے ہیں جونہ صرف انسان کی طرح  ایکسرسائز کر سکتے ہیں بلکہ 
اپنے آپ کو ٹھنڈا رکھنے کے لیے پسینہ بھی بہا سکتے ہیں

انسانی خصوصیات والا حیرت انگیزروبوٹس

جاپان میں ٹوکیو یونیورسٹی کے انجینئرز نے دو ایسےروبوٹس بنا ئے ہیں جو پش اپس کرسکتے ہیں بیڈمنٹن کھیل سکتے ہیں اور مختلف طرح کی ورزشیں بھی کر سکتے ہیں۔ اورانسان جیسے دکھنے والے یہ روبوٹس اپنے آپ کو ٹھنڈا رکھنے کے لیے پسینہ بھی بہا سکتے ہیں۔انجینئرز نے ان روبوٹس کو کینگورو اور کینشیروکا نام دیا ہے

future robots 

ان روبوٹس کو ایلومینیم فولاد اور پلاسٹک جیسی چیزوں سے بنایا گیا ہے یہ روبوٹس نہ صرف دیکھنے میں انسان جیسے ہیں بلکہ انکی انسانوں کی طرح پسلیاں بھی ہیں اور کمر کے مہرے بھی لچک دار بنائے گئے ہیں مزید ان میں حرام مغز جیسا بھی ایک سسٹم بھی موجود ہے جو انہیں حرکت کرنے اور ان کو اپنا توازن برقرار رکھنے میں مدد دیتا ہے

دل اور دماغ کی جگہ ان روبوٹس میں طاقتور کمپیوٹر فٹ کیے گئے ہیں روبوٹس بنانے والے انجینئرز میں سے ایک انجینئریوکی آسانو  نے بتایا کہ انسان گزشتہ دو ہزار سال سے اپنے جسم کے مختلف نظاموں کو سمجھنے کی کوشش کر رہا ہے لیکن اس جانچ کے لئے انجینرنگ روبوٹکس اور الیکٹرونکس کے روایتی انداز ناکافی تھے

future robots

اس لئےاب ہم نے  انسانی نظام جیسا سسٹم رکھنےوالا ایک روبوٹ بنایا ہے جس میں پٹھوں پر مشتمل ڈھانچہ ہے، محسوس کرنے والا اعصابی نظام ہے اور معلومات حاصل کرکےاسے پروسیس کرنے والا کمپیوٹر  یعنی دماغ ہے جسے ہماری ٹیم نے انتہائی کامیابی سے تیار کیا ہے۔‘

future robots

یونیورسٹی کی تجربہ گاہ میں کینگور وایسا پہلا روبوٹ ہے جو ایکسرسائز کرتے ہوئے انسان کی طرح پسینہ بھی خارج کر سکتا ہے  اور یہ پسینہ اس میں لگی ہوئی 180 چھوٹی بڑی موٹروں کو ٹھنڈا رکھنے کے لیے استعمال ہوتا ہے اس طرح وہ اپنی موٹروں کو نقصان پہنچائے بغیر 11 منٹ تک پش اپ لگاسکتا ہے۔  

اس روبوٹ کا قد 5 فٹ 7 انچ اور وزن 123 پونڈ ہے اور روبوٹس کو ایک دن میں گرم ہوئے بغیر آسانی سے کام کرنے کے لئے دوکپ ڈی آیونائزڈ  پانی کی ضرورت ہوتی ہے اور اس کامیابی نے انجینیئرز کو ہوبہو انسان جیسے 
روبوٹس بنانے کے اور زیادہ قریب کر دیا ہے

ِbr />

دل کے مختلف مسائل کا شکار لوگوں کے لیے ایک بڑی خبر Heart Information and Best Supplements

Heart Best Supplement

وقت گزرنے کے ساتھ ساتھ دل کی شریانوں میں چربی زیادہ اکٹھی ہونے کی وجہ سے خون کی نالیاں بند ہو جاتی ہیں اور یہ بند ش بعد میں دل کی مختلف بیماریوں کا سبب بنتی ہے ان بیماریوں کو مکمل طور پر ختم کرنا بہت مشکل ہے البتہ ڈاکٹر حضرات ان بیماریوں سے بچنے کے لیے روزانہ ورزش کے علاوہ مختلف احتیاطی تدابیر بھی تجویز کرتے ہیں

Heart Information 

اب کیمبرج یونیورسٹی کے سائنسدانوں نے مصنوعی کیمیکل سے پاک مکمل طور پر قدرتی اجزاء سے ایک ایسی گولی تیار کی ہے جو دل کے امراض کو روکنے میں مدد فراہم کرتی ہے

یہ تو سب ہی جانتے ہیں کہ ٹماٹر سرخ رنگ کا ہوتا ہے ٹماٹرکی سرخ رنگت ٹماٹر میں موجود ایک طاقتور اینٹی آکسیڈنٹ جس کو لائسوپین کہتے ہیں کی وجہ سے ہوتی ہے ماہرین نے دودھ اور لائسوپین کو یکجا کر کے ایک نیا سپلیمنٹ تیار کیا ہے اس سیپلیمنٹ کو ایٹرونن ہارٹ کا نام دیا گیا ہے

Heart Best Supplement

لائسوپین دل کی بیماریوں بلڈ پریشر اور کولیسٹرول کو روکنے میں بہت مددگار ثابت ہوتا ہے اور دودھ کا اضافہ اس سے جسم میں جذب ہونے میں مدد فراہم کرتا ہے تیار کیے گئے اس سپلیمنٹ میں ان دونوں چیزوں کو استعمال کیا گیا ہے اس سپلیمنٹ کو ایک گولی کی شکل میں تیار کیا گیا ہے جو ایک طرح سے مکمل قدرتی اجزا سے بنائی گئی ہے اور اسے خریدنے کےلیے کسی ڈاکٹری نسخے کی ضرورت نہیں ہو گی۔ تجربہ گاہوں میں کیے گئے کئی ٹیسٹ ظاہر کرتے ہیں کہ اس کا باقاعدہ استعمال خون کی روانی کو 53 فیصد تک بہتر اور رواں بناتا ہے۔

  

اس سپلیمنٹ کو پیٹنٹ جاری کرنے والے قانون دان کا کہنا ہے کہ قدرتی اجزا میں عام لوگوں کی  دلچسپی وقت کے ساتھ ساتھ بڑھتی جارہی ہے اور اگر کس مخصوص بیماری کا علاج قدرتی اجزا میں مل جائے تو مصنوعی ادویات کے استعمال سے وہ زیادہ بہتر اور آسان ہے۔ اس سلسلے میں متعدد تحقیقی مقالہ جات شائع ہوچکے ہیں او آخری ریسرچ پیپر اگلے سال شائع ہو گا۔

لیکٹولائسوپین پر کام کرنے والے ایک ماہر جوزف شیریان کے مطابق یہ مادّہ دل کی شریانوں اور رگوں کو بہتر رکھنے میں لاجواب کردار ادا کرتا ہے۔ ہم جانتے ہیں کہ سگریٹ نوشی اور مرغن غذائیں رگوں میں پلاک کی شکل میں جمع ہونا شروع ہوجاتی ہیں جس سے ہارٹ اٹیک اور فالج کے خطرات بڑھ جاتے ہیں۔

یہ نیا سپلیمنٹ مکمل طور پر قدرتی اجزاء سے تیار کیا گیا ہے اور امید کی جارہی ہے کہ جلد ہی اسے باقاعدہ فروخت کے لیے پیش کردیا جائے گا

,,,,,,,,, ,,,,,,

Pakistan will send its First Spaceship in next two Years | پاکستان اگلے دو سال میں اپنے اپنا پہلا خلاء باز خلا میں بھیجے گ

پاکستانیوں کے لیے ایک بڑی خوشخبری

 پاکستان اگلے دو سال میں اپنے قریبی دوست چین کے تعاون سے اپنا پہلا خلاء باز خلا میں بھیجے گا

اسلام آباد میں ایئرٹیک 2017 کے عنوان سے ہونے والی ایک کانفرنس سے خطاب کرتے ہوئے پاک فضائیہ کے سربراہ سہیل امان نے  کہا ہے کہ پاکستان چین کے تعاون سے اگلی جنریشن کے لڑاکا طیارے بنارہا ہے اور ان لڑاکا طیاروں کی تیاری میں  پاکستان کو چینی ماہرین کا تعاون حاصل ہے۔ انہوں نے کہا کہ اس وقت پاکستان ہر سال 16 سے 20 جے ایف 17 تھنڈر لڑاکا طیارے بنارہا ہے۔ یہ جے ایف 17 تھنڈر لڑاکا طیارے ہر لحاظ سے امریکی ایف 16 سے بہتر ہیں۔

پاک فضائیہ کے سربراہ کا کہنا تھا کہ تعلیم کا مقصد نئی ٹیکنالوجی پر مہارت اور مجموعی سماج کی بہتری ہونا چاہیے جب کہ اس میں کوئی شک نہیں کہ پاکستانی طلبا و طالبات بہت باصلاحیت ، محنتی اور ذہین ہیں لیکن غیرمشروط ایمان، انتھک محنت اور مستقل مزاجی لازمی ہوتی ہے۔ اپنے خطاب میں سہیل امان نے سائنسی تحقیقی اداروں اور صنعتوں کے درمیان تعاون پر بھی زور دیا۔

پاکستان ایئر فورس (پی اے ایف) کی طرف سے جاری کردہ بیان میں کہا گیا ہے کہ جے ایف 17 تھنڈر لڑاکا طیارےتیارکرنے کے ساتھ ساتھ  چین پاکستان کے سیٹلائٹ کو مدار میں بھیجنے کے لیے بھی ہر ممکن مدد فراہم کررہا ہے۔ اورپاکستان چین کے تعاون سے اگلے دو سال کے اندر اندر اپنے ماہرین کو خلا میں روانہ کرے گا

واضح رہے کہ ٹیسٹ پائلٹ خلانورد کے بہترین امیدوار ہوتے ہیں اور پاکستان میں جے ایف 17 تھنڈر کی تیاری اور آزمائش کے بعد ٹیسٹ پائلٹس کی اچھی تعداد کو تیار کیا ہے جنہیں تربیت فراہم کرکے خلائی سفر کے قابل بنایا جاسکتا ہے۔ اس لیے پوری امید کی جارہی ہے کہ اگلے کچھ عرصے میں پاکستان اپنے ماہرین کو خلا میں بھیجنے کا سنگ میل عبور کر لے گا

سائنسدانوں نے ذہانت کے جین کا سراغ لگا لیا

ماہرین نے ایم ون اور ایم تھری جین کا سراغ لگایا جن کا براہِ راست تعلق ذہانت سے ہوتا ہے

لندن: ماہرین نے انسانی تاریخ میں پہلی مرتبہ دو ایسے جین کا نیٹ ورک دریافت کیا ہے جو براہِ راست انسانی ذہانت سے تعلق رکھتے ہیں۔

نیند آنے پر ٹی وی کو کنٹرول کرنے والی جدید جرابیں ایجاد

ٹی وی اسکرین کو پاز کرنے سے پہلے جراب پر ایک سرخ روشنی بھی جلتی ہے

نیویارک: ٹی وی دیکھتے دیکھتے سو جانا عام بات ہے اور بعض اوقات ٹی وی دیکھتے آنکھ لگ جاتی ہے اور کچھ دیر کے بعد کھل جاتی ہے اور یہ یاد ہی نہیں رہتا ہے کہ آنکھ لگنے سے قبل انہوں نے وہ ٹی وی پروگرام کہاں تک دیکھا تھا مگر اب ایک امریکی کمپنی نے اس مسئلے کاحل ڈھونڈ نکالا ہے۔

خلائی راکٹ نے زمین پر عمودی لینڈنگ کر کے اس کے دوبارہ استعمال کا راستہ کھول دیا ہے

امریکی خلائی راکٹ کی صحیح سلامت زمین پر واپسی نے نئی تاریخ رقم کردی

کیلیفورنیا: عام طور پر خلائی راکٹ اپنا مشن مکمل کر کے زمین پر واپسی کے سفر کے دوران تباہ ہوجاتے ہیں اوروہ دوبارہ استعمال کے قابل نہیں رہتے لیکن اب امریکی خلائی راکٹ کی زمین پر صحیح سلامتی واپسی نے ان راکٹ کی تاریخ کو ہی بدل دیا ہے اور اب یہ راکٹ دوبارہ استعمال کیے جا سکیں گے اور خرچہ بھی بچایا جا سکے گا۔

آسٹریلیا : پاکستانی سائنسدان جوڑے نے زیرِآب چلنے والے ڈرونزکی کمپنی قائم کرلی

 زیرِآب چلنے والے ڈرونزکی کمپنی

سڈنی آسٹریلیا: پاکستانی سائنسدان جوڑے نے آسٹریلیا میں زیرِ آب ڈرون کمپنی قائم کی ہے جس سے زیرِ آب ڈرون سے پانی کے اندر مقامات پر تحقیق اور نقشہ کشی کی جارہی ہے۔

آسٹریلیا میں مقیم پاکستانی سائنسدان ناصر احسان سمندری (مرین) روبوٹکس میں ڈاکٹریٹ کی ڈگری رکھتے ہیں جب کہ ان کی بیگم حنا احسان نے ڈیٹا تجزیہ ( اینالیٹکس) میں ماسٹرز کیا ہوا ہے ان کی ٹیم کے تیسرے رکن کا مسعود نقشبندی کا تعلق افغانستان سے ہے جو سینسر ٹیکنالوجی کے ماہرہیں اور چوتھے رکن  ابراہیم قزاز لبنانی نژاد آسٹریلوی ہیں جو سول انجینئر ہیں اور اب یہ چاروں آسٹریلوی شہریت رکھتے ہیں۔

ناصر احسان دنیا کے ان چند ماہرین میں شامل ہیں جو پانی کے اندر ڈرون کو چلانے اور اس پر تحقیق پر مہارت رکھتےہیں، فوٹو: اے بس سلوشنز

فزکس کی 7 اسباق پر مشتمل کتاب کی فروخت نے ’’ففٹی شیڈز آف گرے‘‘ کا ریکارڈ توڑ دیا

سیون بریف لیسنس آن فزکس

لندن: اٹلی کے سائنسداں کارلو روویلی کی ایک دلچسپ کتاب ’’ طبیعات کے 7 مختصر اسباق‘‘ ( سیون بریف لیسنس آن فزکس) اس وقت دھڑا دھڑ فروخت ہورہی ہے اور اس نے ای ایل جیمز کی کتاب ’’ ففٹی شیڈز آف گرے‘‘ کا ریکارڈ بھی توڑدیا ہے۔

دھنک یا قوسِ قزح 12 مختلف انداز کی ہوسکتی ہیں، سائنس دان

بارش کے قطروں کے سائز اور سورج کے زاویے پر قوسِ قزح کے رنگوں اور بناوٹ پر اثر انداز ہوتے ہیں،سائنسدان

پیرس: بارش کے بعد آسمان پر بننے والی دلکش رنگوں کی قوس ایک دو نہیں بلکہ 12 مختلف انداز میں ترتیب پاتی ہیں۔

دوا کا حد سے زیادہ استعمال، امریکہ میں ریکارڈ اموات

امریکی حکام کے مطابق گذشتہ برس 47 ہزار سے زائد امریکیوں کی موت کی وجہ دوا کی حد سے زیادہ مقدار لینا بنی۔

امراض کو کنٹرول کرنے اور ان سے بچاؤ کے ادارے سی ڈی سی نے جمعے کو جاری رپورٹ میں بتایا ہے کہ ایک سال میں دوا کی زیادہ مقدار کے باعث ہونے والی ہلاکتوں کی تعداد میں سات فیصد اضافہ ہوا ہے۔

مائیکروسافٹ نے پرسنل کمپیوٹر کی جگہ استعمال ہونے والے اسمارٹ فون پیش کردیئے

سان فرانسسكو: مائیکروسافٹ نے لومیا 950 اور950 ایکس ایل نامی دو اہم ماڈل پیش کیے ہیں جن میں ونڈوز 10، ونڈوز ہیلو بی ٹا اور کونٹینم فیچرز متعارف کرائے گیے ہیں جن کی بدولت فون دستی پی سی بن جاتا ہے اور اسے مخصوص پورٹ سے جوڑنے کے بعد مانیٹر سے کنٹرول کیا جاسکتا ہے۔

دنیا کا گرم ترین سال 2016 ہوگا ، برطانوی ماہرین موسمیات

 کہا جا رہا تھا کہ 2015 گزشتہ صدی کا گرم ترین سال ہے اور گلوبل وارمنگ کی وجہ سے دنیا کے درجہ حرارت میں 2 ڈگری کا اضافہ ہوا ہے لیکن اب برطانیہ کے محکمہ موسمیات کی جانب سے کی گئی پیش گوئی کے مطابق اس بات کا امکان ظاہر کیا جا رہا ہے کہ 2016 زیادہ گرم سال ہوگا جو زمین پر انتہائی گہرے اثرات چھوڑے گا۔

وائی فائی اوردیگرسگنلز سے محفوظ رکھنے والی جدید کیپ تیار

لندن: دنیا میں کئی افراد ایسے ہیں جنہیں وائی فائی سگنلز سے الرجی ہوتی ہے اور اسی طرح سیل فون

 اور وائرلیس کی الیکٹرومیگنیٹک شعاعیں بھی انہیں متاثرکرتی ہیں اسی لیے اب ان کے لیے ایک خاص

ٹوپی تیار کی گئی ہے جو انہیں  وائرلیس سگنلز کی بھرمار سے محفوظ رکھ سکتی ہے۔

سلواکیہ کے دو نوجوانوں کے مطابق سیل فون ٹاور اور وائی فائی سگنلز ان کی نیند میں خلل پیدا کرتے ہیں جس کے چھٹکارے کے لیے انہیں دھاتی تہہ ( ٹن فوائل) جیسی ایسی کوئی شے بنانے کا خیال آیا جو انسانوں کو وائی فائی اور ایسے سگنلز سے محفوظ رکھ سکے۔ اس کے لیے انہوں نے چاندی کے تاروں سے بنا لباس اختیار کیا جو فوجی اہلکار پہنتے ہیں کیونکہ اس طرح وہ سیٹلائٹ سگنلز سے اوجھل رہتے ہیں۔ اس کے بعد اسی کپڑے سے پہلی ٹوپی بنائی گئی اور جب